अमेरिकाया राष्ट्रपति जो बाइडेनं अमेरिकां उपलब्ध याःगु ताःहाकःगु दूरीया क्षेप्यास्त्र रुसं प्रहार याःगु युक्रेनयात अनुमति बिउगु तधःगु हताः जुइगु ग्याचिकू अप्पोया वःगु खः।

अमेरिकाया थुगु निर्णयप्रति रुस तः चाःगु दु। अय्न रुसी राष्ट्रपति भ्लादिमिर पुटिन धाःसा छु धाःगु मदुनि धका बीबीसीं धाःगु दु। रुसं युक्रेनयात रुस दुने अमेरिकाया क्षेप्यास्त्र छ्यलेत अनुमति बिइगु बाइडेनं मिँइ ध्यय् तयेगु ज्या जुगु दु धका धयादीगु खः। यदि अमेरिकां बिउगु क्षेप्यास्त्र रुस दुने प्रहार यायेगु  धाःगु रुसं थुगु आक्रमणयात युक्रेनपाखे मखुसा अमेरिकापाखे हे थुइकेत क्रेमलिनपाखे जारी याःगु विज्ञप्तिइ धाःगु दु।

यदि रुसी मिसाइल थःगु भूमिइ प्रहार जुल धासा नाटो व अमेरिकानाप तःपिक रुसया हताः जुइफुगु अनुमान याःगु दु। थःगु निलाया जक कार्यकाल ल्यः दुगु इलय् बाइडेनं प्रशासनया अमेरिकां थ्व स्वया न्ह्यः युक्रेनयात बिउगु आर्मी ट्याक्टिकल मिसाइल सिस्टम छ्यलेत अनुमति बिउगु खः।

तापाक्क क्यके फइगु अस्त्र युक्रेनयात बिइत अमेरिकी सेना अनिच्छुक जूगु खः। बाइडनं उगु क्षेप्यास्त्र युक्रेनयात उपलब्ध याकूगु गोप्य निर्देशन बिउगु विवरण थ्व स्वया न्ह्यः न सार्वजनिक याःगु खः।

Categorized in अन्तर्राष्ट्रिय