नेपाल क्रिकेट संघ (क्यान) नं थ्वहे मंसिर १५ गतेनिंसें जुइगु नेपाल प्रिमियर लिग (एनपिएल) या कासाया धलः पिथंगु दु।

क्यानं सोमबाः नेपाल प्रिमियर लिगया कासा धलः पिथंगु खः। क्यानया कथं मंसिर १५ गते उलेज्या कासाय् विराटनगर किङ्ग्स व जनकपुर बोल्ट्स दथुइ धेँधेबल्ला जुइ। उलेज्या कासा न्हिनयसिया १२ः१५ ताः इलय् त्रिवि क्रिकेट ख्यः, किपूलि जुइ। किपू नगरपालिका नापनापं देय्या थीथी थासय् जुइत्यंगु स्थानीय तहया उपनिर्वाचनया हुनिं मंसिर १६ गते छगू नं कासा मतःगु खः।

मंसिर १७ निसें २४ गतेबाहेक पुस १ गतेतक न्हियान्हिथं लिग चरणया कासा जुइ। मंसिर १७ निसें मंसिर ३० तक (मंसिर २४ बाहेकं) न्हि निगू कासा जुइ। न्हापांगु कासा सुथय् ९ः१५ ताः इलंनिसें व निगूगु कासा न्हिनय् १ः१५ ताः इलंनिसें न्ह्याइ। पुस १ गते धाःसा छगू जक कासा जुइ।

लिग चरणया कासा धलः थुकथं दु

मंसिर १५ गतेया उलेज्या कासा विराटनगर किङ्ग्स व जनकपुर बोल्ट्स दथुइ जुइ धुंका निक्वःगू कासा मंसिर १७ गते जुइ।

अथेहे १७ गते सुथय् ९ः१५ ताः इलय् जुइगु न्हापांगु कासा काठमाडौँ गुर्खाज व चितवन राइनोज दथइ जुइसा न्हिनय् १ः१५ ताः इलय् न्ह्याइगु निगूगु कासा जनकपुर बोल्टस् व कर्णाली याक्स दथुइ जुइ। मंसिर १८ गतेया न्हापांगू कासा सुदूरपश्चिम रोयल्स व विराटनगर किङ्ग्स, निगूगु कासा चितवन राइनोज व पोखरा एभेञ्जर्स दथुइ धेँधेँबल्ला जुइ अथे हे १९ गते न्हापांगू कासा कर्णाली याक्स व काठमाडौँ गुर्खाज्, निगूगु कासा विराटनगर किङ्ग्स् व लुम्बिनी लायन्स दथुइ जुइ, अथेहे २० गते जुइगु न्हापांगू कासाय् पोखरा एभेञ्जर्स व जनकपुर बोल्टस्, निगूगु कासाय् काठमाडौँ गुर्खाज व सुदूरपश्चिम रोयल्स दथुइ धेँधेँबल्ला जुइ। 

२१ गते न्हापांगू कासा कर्णाली याक्स व चितवन राइनोज, निगूगु कासा लुम्बिनी लायन्स व पोखरा एजेन्जर्स दथुइ जुइसा २२ गते न्हापांगू कासा लुम्बिनी लायन्स व सुदूरपश्चिम रोयल्स, निगूगु कासा कर्णाली याक्स व विराटनगर किङ्ग्स दथुइ जुइ। मंसिर २३ गते न्हापांगू कासा जनकपुर बोल्टस् व लुम्बिनी लायन्स, निगूगु कासा सुदूरपश्चिम रोयल्स व चितवन राइनोज दथुइ धेँधेँबल्ला जुइ कथं कासाधलः पितहगु दु । अथेहे २५ गते जुइगु न्हापांगू कासाय् चितवन राइनोज व लुम्बिनी लायन्स, निगूगु कासाय् कर्णाली याक्स व पोखरा एभेञ्जर्स दथुइ धेँधेँबल्ला जुइ।

वइगु २६ गतेया न्हापांगू कासाय् जनकपुर बोल्टस् व सुदूरपश्चिम रोयल्स, निगूगु कासाय् काठमाडौँ गुर्खाज व लुम्बिनी लायन्स दथुइ धेँधेँबल्ला जुइ। मंसिर २७ न्हापांगू कासाय् पोखरा एभेञ्जर्स व विराटनगर किङ्ग्स, निगूगु कासाय् जनकपुर बोल्टस् व काठमाडौँ गुर्खाज दथुइ धेँधेँबल्ला जुइसा २८ गतेया न्हापांगू कासाय् लुम्बिनी लायन्स व कर्णाली याक्स, निगूगु कासाय् विराटनगर किङ्ग्स व चितवन राइनोज दथइ धेँधेँबल्ला जुइ। अथेहे २९ गते जुइगु न्हापांगु कासाय् पोखरा एभेञ्जर्स व काठमाडौँ गुर्खाज, निगूगु कासाय् चितवन राइनोज व जनकपुर बोल्टस दथुइ धेँधेँबल्ला जुइ, ३० गतेया न्हापांगू कासा विराटनगर किङ्ग्स व काठमाडौँ गुर्खाज व निगूगु कासाय् पोखरा एभेञ्जर्स व सुदूरपश्चिम रोयल्स दथइ धेँधेँबल्ला जुइ।

लिग चरण धुँकाया कासा थुकथं न्ह्याइ लिग चरणया कासात सिधय्धुँका धलःया च्वकाय् लापिं प्यंगू पुचः प्लेअफय् वनी। वइगु पुस ३ गते न्हापांगु क्वालिफायर व इलिमिनेटर कासा जुइ। ३ गते बुधबाः सुथय् ९ः१५ ताइलय् इलिमिनेतर कासा जुइ। थुगु कासा लिग चरणया कासाय् स्वंगूगु व प्यंगूगु थासय् लाःगु पुचःया दथुइ जुइ । इलिमिनेटर कासा त्यागू पुचः निक्वःगु क्वालिफायरय् दुहांवनी। अथेहे पुस ३ गते हे न्हिनय् १ः१५ ताःइलय् न्हापांगू क्वालिफायर कासा जुइ, थुगु कासा लिग चरणया न्हाप व ल्यू लाःगु पुचःया दथुइ जुइ।

न्हापांगू क्वालिफायर त्याःगु पुचः तप्यंक हे बिजं कासाय् दुहांवनी सा बूगु पुचः निगूगु क्वालिफायरय् थाय् दयेका हाकनं छक्वः बिजं कासाया लँपुइ वनी।निक्वःगु क्वालिफायर कासा पुस ४ गते बिहीबाः न्हिनसिया १२ः१५ ताइलय् न्ह्याइ । थुगु कासा न्हापांगू क्वालिफायरय् बूगु पुचः व इलिमिनेटर कासाय् त्यागू पुचःया दथुइ जुइ। निक्वःगू क्वालिफायर कासाय् त्यागू पुचः बिजं कासाय् दुहांवनी।

एनपिएलया बिजंकासा वइगु पुस ६ गते शनिबाः न्हिनय् १२ः१५ ताः इलंनिसे न्ह्याइगु क्यानं पितहःगु धलखय् न्ह्यथनातःगु दु। बिजं कासाय् न्हापांगु क्वालिफायर कासा त्यागू पुचः व निगूगु क्वालिफायर त्यागू पुचः दथुइ धेँधेँबल्ला जुइ।(रासस)

Categorized in कासा