प्रधानमन्त्री केपी शर्मा ओलीं नकतिनि हे धैथें माल्दिभ्सय् क्वचाःगु १५ क्वःगू शारीरिक सुगठन धेँ धेँ बल्ला कासाय् पदक त्याकावपिं कासामिपिन्त हनादीगु दु।

थीथी तौल समूहय् पदक त्याका देँया नां तःपिं रुपेश शाही, प्रज्ज्वल शाक्य, रजनी श्रेष्ठ व सोनाम मूलगुठीयात प्रधानमन्त्री निवासय् वय्कलं हनादीगु दु। प्रधानमन्त्री ओलीें शारीरिक सुगठनयात कासाया रुपं विकास यायेत अप्वः सम्भावना दुगुलिं राज्यपाखें थ्व कासाया विस्तारया निंतिं सरकारं हःपाः बिइगु धयादिल।

नेपाल शाररीक सुुगठन महासङ्घया नायः राजेशबाबु श्रेष्ठलं थ्व कासापाखें पर्यटन प्रवर्द्धनय् ग्वाहालि जुइगु जुगुलीं थ्व कासाया विकासया निंतिं सरकारं प्राथमिकता बिइमाःगु खँय् बःबियादिल ।

उगु झ्वलय् मदन भण्डारी स्पोर्ट्स एकेडेमीया नायः ध्रुव आचार्यं नं ब्वति कयादीगु खः। (रासस)

Categorized in कासा