साइबर अपराधसम्बन्धी द्वपनय् ज्वंम्ह मेडिकल बन्जाः दुर्गा प्रसाईया म्याद थप यायेत येँ जिल्ला अदालतय् उपस्थित याःगु दु।

नेपाल प्रहरीया साइबर ब्युरो (सिआइबीं) प्रसाईंया म्याद थप यायेत अदालतय् उपस्थित याःगु ब्युरोया प्रवक्ता नापं प्रहरी उपरीक्षक होबिन्द्र बोगटीं धयादिल। वय्कलं धयादिल, “प्रसाईंयात हिरासतय् तयाः अनुसन्धान यायेत येँ जिल्ला अदालतय् उपस्थित याःगु व वय्कः विरुद्ध साइबर अपराध सम्बन्धी द्वपनय् म्याद कयाः अनुसन्धान न्ह्याकेगु जुइ।

”प्रधानमन्त्री केपी शर्मा ओलीविरुद्ध मिथ्या सामग्रीपाखें खःगुंमखूगु खँ च्वय्कूगु द्वपनय् प्रसाईंयात मंगलबाः सिआइबीं ज्वंगु खः। (रासस)

Categorized in अपराध