प्रधानमन्त्री केपी शर्मा ओलीयात बेसबल कासाया थीथी संस्थां नेपाल ओलम्पिक कमिटी (एनओसी) यात विधिसम्मत् व पारदर्शी कथां सञ्चालन यायेत माग याःगु दु।

प्रधानमन्त्री निवास, बालुवाटारय् थौ आज उगु संस्थाया प्रतिनिधि तय्स ओलम्पिक कमिटीं नैतिक प्रशासनया मापदण्ड पालना यायेत, परादर्शिता, समावेशिता व लोकतन्त्रयात प्रवर्द्धन यायेगु अन्तर्राष्ट्रिय दिशानिर्देशनाप मिले जुगु कथं नेपाःया कासा भविष्य सुनिश्चित यायेत माग याःगु खः।

उमिसं अध्यक्ष जीवनराम श्रेष्ठ नेतृत्वया ओलम्पिक कमिटीं थःपिन्त गुवलय् न मान्यता मबिउगु व स्वंगूगु कार्यकालया निति कमिटीया विधान संशोधनया कुतः यानाच्वंगुलि सरकारं माःगु निर्देशन बिया अज्यागु गतिविधि दिकेत इनाप याःगु खः। प्रधानमन्त्री ओलीें राष्ट्रिय व अन्तर्राष्ट्रिय मान्यता नाप विधियात ध्यानय् तया कासा ख्यःया निकाय व संस्थां थःपिं पारदर्शी जुइमाःगुलि बः बियादीगु ख।

नापलायेगु निति नेपाल इक्वेस्ट्रियन सङ्घया अध्यक्ष रवि राजकर्णिकार, नेपाल बेसबलया अध्यक्ष दीपक न्यौपाने, नेपाल स्के टिङ व स्केटबोर्डिङ सङ्घया अध्यक्ष अच्युत खनाल, नेपाल रुग्बी सङ्घया महासचिव गोविन्द घिमिरे, नेपाल क्लाइम्बिङ स्पोर्टस् सङ्घया अध्यक्ष रमेश पौडेल, अल्पाइन स्पोर्टस् फेडेरे सननेपालया अध्यक्ष गोविन्दप्रसाद भट्टराई व नेपाल रोइङ सङ्घया महासचिव सम्पन्न श्रेष्ठपि प्रधानमन्त्रीयात नापलावंगु खः।

Categorized in कासा