यलया बालकुमारीया छखा छेँय् मिँ न्वःगुलि फार्मेसी, जुम्बा डान्स सेन्टर व पसलय् क्षति जुगु दु।

स्वाभिमान श्रेष्ठया निगु तल्लाय् करेन्ट सर्त जुया मिँ न्वःगु खः।मिँ न्वया उगु छेँय् च्वंगु न्हापागु तल्लाय् ‘डगेरा फार्मेसी’ मिँ न्वःगु दु धका यलया प्रहरीं धाःगु दु।

श्रेष्ठया छेँय् च्वंगु ग्वाँ पसः व मःम पसलय् न क्षति जुगु दु सा नाप च्वंगु ‘जुम्बा डान्स सेन्टर’ तक क्षति जुगु दु। उगु घटनाय् गुलि क्षति जुल धइगु विवरण वःगु मदुनि धका प्रहरीं धाःगु दु।

न्यागः दमकलया ग्वाहालिं छ घौ लिपा मिँ स्याये फुगु खः।

Categorized in राष्ट्रिय