पेंगुइनया मचात वं हे स्याःगु पुष्टि जुइवं अर्जेन्टिनाया छम्ह किसानयात अदालतं स्वदँ जेल सजायँ न्यंकूगु खः।

थीथी अन्तर्राष्ट्रिय सञ्चारमाध्यमया कथं दक्षिणी प्रान्त चुबुटया छम्ह किसानयात थःगु बाली नयेत वःपिं १०० स्वयां अप्वः म्यागेलानिक पेंगुइन स्याःगु अपराधय् स्वदँ जेल सजायँ जूगु दु। २०२१ स वं छम्ह झंगः स्याःगु जूसां नं थ्व विषयस ताःईतक बहस जूगुलिं नकतिनि हे निर्णय जूगु दु। वं दर्जनौं पेंगुइनया छेँ नं स्यंकाबिगु खः।

अभियोजकतय्सं प्यदँया सजायया निंतिं धाःगु खः। थ्व मुद्दायात कयाः गुनासो याःगु वातावरणीय पुचः ग्रीनपीसं किसानया दोषी ठहरयात “वातावरणीय न्यायया निंतिं महत्वपूर्ण पलाः” धकाः प्रशंसा याःगु दु । किसानतय्सं थःगु बाली बचे यायेगु मेगु छुं नं उपायं ज्या मयाःगुलिं पेंगुइन स्यायेगु विकल्प मदुगु दाबी याःगु दु। म्याजेलानिक पेंगुइनयात अन्तर्राष्ट्रिय प्रकृति संरक्षण संघं दकलय् म्हो चिउताःया प्रजातिया धलखय् तःगु दु।

गुकिया अर्थ थ्व ल्याः म्हो जुजुं वनाच्वंसां नं लोप जुइगु खतरा मदु।

Categorized in अन्तर्राष्ट्रिय