राष्ट्रपति रामचन्द्र पौडेलं भारतीय सेना प्रमुख उपेन्द्र द्विवेदीयात नेपाली सेनाया मानार्थ महारथी लःल्हाःगु दु।

राष्ट्रपति निवास शीतलनिवासय् छगु ज्याझ्वः दथुइ सेनापति द्विवेदीयात नेपाली सेनाया परमाधिपति समेत तक जुयादीम्ह राष्ट्रपति पौडेलं उगु दर्ज्यानी चिं लःल्हाःनादीगु खः।

उगु ज्याझ्वलय् उपराष्ट्रपति रामसहायप्रसाद यादव, प्रधानमन्त्री केपी शर्मा ओली, रक्षा मन्त्री मानवीर राईलगायत विशिष्ट मनूतय्गु ब्बति दुगु खः।

भारतीय स्थल सेनाया सेनाध्यक्ष द्विवेदी बुधवाः नेपाः वःगु खः।नेपाः–भारत दथुइ सैनिक सम्बन्धया निरन्तरता कथं निगुलि देशं निगु देय्या प्रधानसेनापति तय्त मानार्थ सेनापतिया दर्जा चिं लःल्हायेगु परम्परा जुयावया च्वंगु खः।

Categorized in राष्ट्रिय