सिन्धुपाल्चोकया पर्यटकीय लागा सुकुटेय् आः वइगु माघ १ निसें ५ गतेतक राष्ट्रियस्तरया ‘बिच’ भलिबल धेँधेँबल्ला कासा जुइत्यःगु दु।

उगु कासाया कजि नापं सुकुटे बिचया सञ्चालक महेन्द्रसिंह थापाया कथं धेँधेँबल्ला कासाय् मिजं व मिसापाखे थी थी कासा जुइ। न्हय्गू प्रदेश व स्वंगू विभागीय टोलीनापं झीगु पुचलं ब्वतिकाइगु अपेक्षा यानागु दु धका कजि थापां धयादिगु दु।

धेँधेँबल्लाया निंतिं स्थानीय सरकार, बागमती प्रदेश सरकार, राष्ट्रिय खेलकुद परिषद्, खेलकुद मन्त्रालयनापं फुक्कं सम्बन्धित निकायनाप समन्वय यानागु धकाः वय्कलं कनादिल। ग्वसाः खलः नं फुक्क कासामि तय्त व ई दुने सुकुटे करिडोरय् ब्बःगु दु।

सुकुटे करिडोरय् पर्यटन प्रवद्र्धनया निंतिं थ्व धेँधेँबल्ला कासां थप योगदान जुइगु भलसा चौतारा साँगाचोकगढी नगरपालिकाया प्रमुख कृष्णप्रसाद सापकोटां कयादीगु दु।

Categorized in कासा