अमेरिकाया खर्बपति व्यवसायी एलन मस्कनाप प्रधानमन्त्री केपी शर्मा ओलीं खल्हाबल्हा याःगु दु।

शुक्रवाः थौ बहनि प्रधानमन्त्री ओलीं माइक्रोसफ्ट टिम्सपाखे सामाजिक सञ्जाल एक्सया मालिक तक जुयादीम्ह मस्कनाप खल्हाबल्हा यानादीगु दु धका प्रधानमन्त्रीया सचिवालयं जानकारी ब्यूगु दु।

निम्ह दथुइ छु खँ जुगु धका धासाः धाउगु मदुनि। स्पेश एक्सया कम्पनी तक जुयादीम्ह मस्कं नेपाःया स्याटलाइट इन्टरनेट सेवा स्टार लिंक सुरु यायेत इच्छा क्यंगू खः।

अमेरिकाय् नकतिनि हे निर्वाचित राष्ट्रपति डोनाल्ड ट्रम्पं मस्कयात अमेरिकां डिपार्टमेन्ट अफ गर्भर्मेन्ट एफिसियन्सीय् नियुक्त यायेगु घोषणा याये धुकुगु दु।

मस्कं ट्रम्पयात चुनावी अभियानय् २० करोड अमेरिकी डलर चन्दा ब्यूगु विवरण तक सार्वजनिक याःगु खः।

Categorized in राष्ट्रिय