नेपाल प्रिमियर लिग (एनपीएल) या ट्रफी थौ अनावरण याःगु दु।

धरहराय् थौ सुथय् छगु ज्याझ्वः दथुइ प्रधानमन्त्री केपी शर्मा ओलीं एनपीएलया ट्रफी अनावरण याःगु दु।

एनपीएलया ट्रफी याःगु मुख्य आकर्षण सगरमाथाया आधार शिविर कालापत्थरया ल्ह्वं दुगु नेपाल क्रिकेट संघ (क्यान) या सचिव पारस खड्कां जानकारी ब्यूगु दु। थुगु ट्रफी जक मखु हलिमयय् हिमाल संरक्षण यायेत सन्देश बिइत खः धका धाःगु दु।

आरोहीपि निमा शेर्पा व मिङ्मा शेर्पा न एनपीएलया ट्रफीइ छ्यला तःगु ल्ह्वं हःगु खः। ट्रफी अनावरण ज्याझ्वलय् उमित अन हे खादा न्ययेका हंगू खः।

एनपीएलया न्हापागु संस्करण थ्व हे मंसिर १६ गतेसिने सुरु जुइगु खःसा पुस ६ गते क्वचाइगु जुगु दु।

Categorized in कासा