प्रधानमन्त्री केपी शर्मा ओलीं सामाजिक सुरक्षाया लागायात चकंकेगु घोषणा यानादीगु दु। थौ न्हय्क्वःगु सामाजिक सुरक्षा दिवसया छगु ज्याझ्वलय् वयकलं अथे घोषणा यानादीगु खः।

सामाजिक सुरक्षा कोषपाखें ग्वसाः ग्वःगु ज्याझ्वलय् प्रधानमन्त्रीं वइगु ९० न्हु लिपा योगदान ब्यूपिनि काय् म्ह्याय्पिं नं कोषपाखें लाभान्वित जुइगु व छगू लख स्वयां अप्वः वासः खर्च जुइपिं योगदानकर्ता तय्त कूल खर्चया ५० प्रतिशत कोषं फइगु घोषणा यानादिल।

प्रधानमन्त्री ओलीं संविधानय् दूगु मौलिक हकया व्यवस्था व दायित्वप्रति सरकार जिम्मेवार व जवाफदेही जुइगु कँसें देय्यात समृद्ध दयेकेत सरकार जुयाच्वंगु दु धकाः धयादिल।

उगु झ्वलय् कोषअन्तर्गत अप्वः योगदानकर्ता व सेवा प्रदायक व्यक्ति व संस्थातय्त प्रधानमन्त्रीं सिरपाः लःल्हानादिल।

Categorized in राष्ट्रिय