युक्रेनं याःगु अमेरिकाया क्षेप्यास्त्र आक्रमणपाखे न्हापागु पटक थःगु वायु रक्षा प्रणाली बेसय् क्षति जुगु रुसं स्वीकार याःगु दु। थ्व नापं कुर्स्क क्षेत्रय् च्वंगु सैन्य आधारय् न क्षति जुगु दु।

अमेरिकाया प्याट्रियट डिफेन्स सिस्टम थे जाःगु क्षमता दुगु एस ४०० वायु रक्षा प्रणालीयात युक्रेनं लक्षित याःगु बीबीसीं धाःगु दु। छु दिं न्ह्यः जक अमेरिकां युक्रेनयात रुसविरुद्ध ताहाकःगु दूरीया मिसाइल छ्यलेत स्वीकृति ब्युगु खः।

१ हजार दिं स्वया अप्पो न्ह्यानाच्वंगु युद्धय् न्हापागु पटक उलि शक्तिशाली हतियार प्रयोग जुगु माने यानातःगु दु।थ्व हे नापं युक्रेनी वायु सेनां वंगु सोमवाः चान्ह्यः रुसं १ सय ८८ ड्रोनं आक्रमण यागुलि आधारभूत संरचनाय् क्षति जुगु खः।

वया लिपा युक्रेन व रुस दथुइ तनाव उत्कर्षय् थ्यःगु खः।

Categorized in अन्तर्राष्ट्रिय