विद्युतीय कसूरया द्धपनय् ज्वनातःम्ह मेडिकल व्यवसायी दुर्गा प्रसाईयात थुनामुक्त यायेत सर्वोच्च अदालतं अस्वीकार याःगु दु।

गैरकानूनी कथं प्रसाईयात कुनातःगु धका धासे वया काय् निराजनं बन्दी प्रत्यक्षीकरणया निवेदन दर्ता याःगु दु। न्यायाधीशपि नित्यान्द पाण्डेय व महेश शर्मा पौडेलं मंकाः इजलासं बुधवाः उगु रिट खारेज याना ब्यूगु दु।

पाण्डेय व पौडेलया इजलासं रिट खारेज यासे निर्देशनात्मक आदेश तक जारी याःगु दु।निराजनं गृह मन्त्रालययात तक विपक्षी दयका दायर याःगु बन्दी प्रत्यक्षीकरण रिटय् सुनुवाइ यासे सर्वोच्चं अथे आदेश ब्यूगु खः।

प्रधानमन्त्री केपी शर्मा ओलीं कम्बोडियाय् लगानी याःगु धका प्रसाई न न्ववाःगु विवादास्पद भिडियो सार्वजनिक जुइवं मंसिर ४ गते वयात प्रहरीं ज्वंगु खः।जिल्ला अदालत,येँया अनुमति बिइवं प्रहरीं वयात हिरासतय् अनुसन्धान यानाच्वंगु दु।

प्रहरीं प्रसाईंयात साईबर अपराध, सरकारी भ्वँ किर्ते लगायत द्धपनय् अनुसन्धान यानाच्वंगु दु।

Categorized in अपराध