बिरामी क्वबिइगु एम्बुलेन्सपाखे लागूवासः कारोबार याःगु लुगु दु। महोत्तरीया बर्दिबासय् प्रहरीें एम्बुलेन्सपाखे १० ग्राम ब्राउनसुगर बरामद याःगु दु।

बुधवाः चान्ह्यः बर्दिबास चूकय् सिन्धुलीपाखे वयाच्वंगु बा प्र ०१–००२ झ ६६९० नम्बरया एम्बुलेन्सय् अथे ब्राउनसुगर बरामद याःगु दु धका इलाका प्रहरी कार्यालय बर्दिबासया प्रहरी नायब उपरीक्षक रेवतिरमण पोखरेलं जानकारी बियादीगु दु।

सिन्धुलीया मरिन गाउँपालिकाया कपिलाकोटस्थित प्राथमिक स्वास्थ्य केन्द्रया एम्बुलेन्सपाखे ब्राउनसुगर बरामद याःगु खः।

एम्बुलेन्सय् जाँज याउगु इलय् साइरन दुने माइक्रोफोन दुने सूचुका तःगु अवस्थाय् ब्राउनसुगर बरामद याःगु धका प्रहरीं धाःगु दु।

Categorized in अपराध