येँ महानगरया बज्राचार्य गुरुजुपिनि अतिकं हनेबःम्ह ‘मूलचक्रेश्वर’ (देथाय्पा) मन्त्रसिद्धि महाविहारया ९५ दँया मोहन रत्न बज्राचार्य म्हिगः बिहिबाः बहनी आकाझाकां मन्त।

वय्कःया अन्तिम संस्कार थौं सुथय् ‘कर्ण दीप’य् बज्रयानी बौद्ध परम्पराकथं क्वचाये धुंकूगु दु।

अन्तिम संस्कार याये न्ह्यः येँया भिंmच्यागू महाविहारया बज्राचार्य गुरु गुरुमांपिं, दश महाविहार, झिखुगू बही सर्वसंघया शाक्य भिक्षुत व नेपाल परम्परागत बौद्ध धर्म संघया पदाधिकारीतय्गु पुचलं मदुम्ह मूलचक्रेश्वरया सुगति सुखावती भुवनय् बास लायेमाः धकाः कामना यासें दुर्गतिपरिशोधन धारणी पाठ याःगु खः।(रासस)

Categorized in राष्ट्रिय