नेपाल प्रिमियर लिग क्रिकेट (एनपीएल) या उलेज्या कासाय् विराटनगर किङ्ग्सयात च्यागू विकेटं बूका जनकपुर बोल्ट्सं विजयी शुरुवात याःगु दु।

विराटनगरं ब्यूूगु १ सय २८ रनया लक्ष्य जनकपुर बोल्ट्सं १५ ओभर ३ बलय् पूरा याःगु खः। जनकपुरया निति लाहिरु मिलान्थां अविजित ७५ व हर्ष ठाकरं अविजित २९ रन दयकूगु खः।

विराटनगरया क्रिस सोल व प्रतिश जिसीं छगू छगू विकेट काःगु खः। व स्वया न्ह्यः त्रिवी क्रिकेट मैदान टस बूया न्हापां ब्याटिङ याःगु विराटनगर किङ्ग्सं १९ ओभरय् १ सय २७ रन दयका अलआउट जूगु खः। विराटनगरया निति मार्टिन गप्टिलं दकलय् अप्पो ५५ रन दयकूगु खः।

जनकपुरया ललित राजवंशीं स्वंगू विकेट काःगु खः। अथेहे किशोर महतो व हर्ष ठाकरं निगु निगु विकेट काःगु खः।किपूया त्रिवि मैदानय् थौनिसे शुरु जूगु एनपिएलय् च्यापू पुचः दथुइ प्रतिस्पर्धा यायेत्यःगु खः।

Categorized in कासा