परराष्ट्रमन्त्री डा आरजु राणा देउवा थौं देय् लिहाँ वःगु दु। चिनियाँ विदेशमन्त्री वाङ यीया ब्वनाय् चीनया औपचारिक भ्रमण यानादीम्ह मन्त्री डा राणा चीनया छन्दुं थौं सुथय् नेपाः लिहाँ वःगु दु धका वय्कःया प्रेस सल्लाहकार एकराज पाठकं धाःगु दु।

नेपाःया प्रतिनिधिमण्डलया नेतृत्व यानाः बिहीबाः चीनया सिचुआन प्रान्तया छन्दु वनादीम्ह वय्कलं शुक्रबाः सनिलय् चिनियाँ विदेशमन्त्रीलिसे छेन्दुइ नापलानादीगु खः। उगु झ्वलय् वय्कःपिं दथुइ नेपाः व चीनया स्वापू व निगूपक्षया हितया थी थी खँनापं प्रधानमन्त्री केपी शर्मा ओलीं यानादीत्यंगु चीन भ्रमणया तयारीया बिषयया खँल्हाबल्हा जूगु खः।

प्रधानमन्त्री ओली वइगु सोमबाः चीनया औपचारिक भ्रमणय् झायादीत्यंगु दु। परराष्ट्रमन्त्री डा राणा प्रधानमन्त्री ओलीनापं नं चीन भ्रमणय् ब्वति कायादिइ। (रासस) 

Categorized in राष्ट्रिय