राष्ट्रपति रामचन्द्र पौडेल व प्रधानमन्त्री केपी शर्मा ओली दथुइ नापलायेगु ज्या जूगु दु।

राष्ट्रपति निवासय् नापलायेगु झ्वलय् चीन भ्रमणबारे प्रधानमन्त्री ओलीं सहलह यायेगु ज्या जूगु दु धका प्रधानमन्त्रीया सचिवालयं धाःगु दु। राष्ट्रपति पौडेलं न प्रधानमन्त्री ओलीयात भ्रमण ताः लायेमाः धका भिंतुना ब्यूगु धका प्रमया सचिवालयं धाःगु दु।

नापलायेगु झ्वलय् परराष्ट्रमन्त्री आरजु राणा देउवा न राष्ट्रपति पौडेलया थाय् वंगु खः। प्रधानमन्त्री ओली थ्व हे वइगु सोमवाः चीनया औपचारिक भ्रमणय् वनेत्यःगु खः।

Categorized in राष्ट्रिय