प्रधानमन्त्री नापं नेपाल कम्युनिष्ट पार्टी (एमाले) या अध्यक्ष केपी शर्मा ओलीें पार्टीया कार्यवाहक अध्यक्षया जिम्मेवारीइ वरिष्ठ उपाध्यक्ष ईश्वर पोखरेलं स्वयेगु कथं क्वःछिउगु दु।

अध्यक्ष ओली चिनियाँ समकक्षी ली छ्याङया मैत्रीपूर्ण ब्वनाय् औपचारिक भ्रमणया झ्वलय् थौं चीनपाखें झायादिइ धुंका पार्टी कार्यवाहक अध्यक्षया जिम्मेवारी वरिष्ठ उपाध्यक्ष पोखरेलं स्वयेगु कथं जिम्मेवारी लःल्हायेगु एमाले प्रचार विभाग प्रमुख राजेन्द्र गौतमं धयादिल।

एमालेया विधान २०४९ (संशोधन २०७८) या धारा २१ या उपधारा (२) कथं वरिष्ठ उपाध्यक्ष पोखरेलयात कार्यवाहक अध्यक्षया जिम्मेवारी क्वःछ्युगु खः। प्रधानमन्त्री ओली चीनया भ्रमण क्वचायेका थ्व हे मङ्सिर २० गते देय् लिहाँ झायादी।

Categorized in राजनीति