धरानया मेयर हर्क साम्पाङं पत्रकार गोपाल दाहालयात ख्याच्वः बिउसे पत्रकारिता सिधय्का बिइ धका धाःगु दु। साम्पाङं धम्की बिइ धुका पत्रकार दाहालं असुरक्षित महसुस जुगु दु धका धाःगु दु।

दाहालं खोज पत्रकारिता केन्द्र (खोपके)या निति ‘हर्क साम्पाङया मनमौजी शासन, बेथितीइ दलदलय् धरान’ शीर्षकय् बुखँ च्वंगु खः।

उगु बुखँय् हर्क साम्पाङ नक्कली माओवादी जूगु, तत्कालीन वाईसीएल कार्यकर्ता तय्स वयात नियन्त्रणय् कया दाःगु धका धयातःगु खः।

साम्पाङं थुकियात कया थौ सुथय् पत्रकार सम्मेलन यासे थःगु खँ तइगु जुगु दु।

Categorized in राष्ट्रिय