नेपाल प्रिमियर लिग (एनपिएल)य् थौ निगु कासा जुइगु दु। एनपिएलय् थौ न्हापागु कासा लुम्बिनी लायन्स व सुदूरपश्चिम रोयल्स दथुइ जुइगु दु। थुगु कासा त्रिवि क्रिकेट मैदान किपूलि थौ सुथय् ९ः१५ बजे सुरू जुइ।

आः जुयाच्वंगु एनपिएलय् निगुलि पुचःया स्वगूगु कासा खः। एनपिएलय् निगुगु कासा लुम्बिनीं निगुलि कासा बूगु दु। लुम्बिनीया न्हापागु कासा विराटनगर किङ्ग्सनाप निगु विकेटं पराजित जूगु खःसा मेगु कासा पोखरा एभेन्जर्सनाप पराजित जूगु खः।

सुदूरपश्चिम रोयल्सं निगु हे कासा त्याना च्वंगु दु। सुदूरपश्चिमं न्हापागु कासा विराटनगर किङ्ग्सयात ९० रनं व निगुगु कासा काठमाडौँ गुर्खाजयात ७३ रनं बूकुगु खः। अथेहे, थौ जुइगु निगुगु कासा कर्णाली याक्स व विराटनगर किङ्ग्स म्हितिइगु जुगु दु।

थुगु कासा त्रिवि क्रिकेट मैदान किपूलि न्हिनय् १ः१५ बजे सुरू जुइ। एनपिएलय् कर्णाली याक्सं स्वंगू कासा म्हित्ये धुकुगु दु।उकि मध्ये निगु कासा पराजित जूगु दु सा छगु कासा त्याःगु दु।

अथेहे विराटनगर किङ्गस न स्वंगु कासा मध्ये निगु कासा बूगु दु सा छगु कासा त्याःगु दु।

Categorized in कासा