ज्यापू संस्कृति विकास कोषं नेवाः पत्रकार राष्ट्रिय दबूया बरिष्ठ उपाध्यक्ष सुनिल महर्जनयात ज्यापू युवा प्रतिभा सम्मान सञ्चार विधाय् सिरपा लःल्हाःगु दु।

थौ छगू ज्याझ्वः दथुइ २१ क्वःगु राष्ट्रिय ज्यापू दिवसया लसताय् वसन्तपुरय् पत्रकार महर्जनया तउगु सम्मान लःल्हाःगु खः। वाग्मती प्रदेशका संस्कृति, पर्यटन लिसे सहकारी विमल ठकुरीं पत्रकार महर्जनयात स्वामा क्वखाय्कादिगु खःसा उप्रधानमन्त्री लिसे शहरी विकास मन्त्री प्रकाशमानसिंहं खादा न्ययेकादीगु खः।

प्रधानमन्त्री खड्गप्रसाद शर्मा ओलीं सम्मानपत्र लःल्हानादीगु खः। कोषं नगद राशि १० हजार लःल्हागु खः।मूर्त व अमूर्त संस्कृति, सम्पदा संरक्षण नाप नेवाः समुदायया बृहत्तर सरोकारया खँ पत्रकारिता पाखे महत्वपूर्ण भूमिका निर्वाह याःगुलि उगु सम्मान महर्जनयात लःल्हागु खः।

२०५९ सालय् महानगर न्हिपौपाखे पत्रकारिता शुरू यानादीम्ह महर्जन थौकन्ह्यः नेपाल समाचारपत्र दैनिकय् संस्कृति, सम्पदानाप अख्तियार, निर्वाचन, कानुन व प्रशासन सम्बन्धि रिपोर्टिङ याना वयाच्वनादीम्ह खः।

Categorized in राष्ट्रिय