सार्वजनिक सेवा प्रसारण संस्थाया सञ्चालक समिति याःगु अध्यक्षय् डा. महेन्द्र विष्ट नियुक्त याःगु दु। अध्यक्षया निति स्वीकृत जूपि झीम्ह उम्मेदवारमध्येय् विष्टयात नियुक्त याःगु दु धका प्रधानमन्त्रीया सचिवालयं धाःगु दु।

डा. विष्ट नेपाल पत्रकार महासंघया पूर्वअध्यक्ष न जुयादी। डा.बिष्टं नेपाल टेलिभिजनया अध्यक्ष व न्यूनतम पारिश्रमिक निर्धारण समितिया अध्यक्ष याःगु जिम्मेवारी कया ज्या याये धुकुम्ह खः।

नियुक्ति सिफारिस यायेत गठन जुगु सिफारिस समितिं विष्ट नाप दीपक पाठक, चिन्तामणि बराल, केदारनाथ कोइराला, सुवोध गौतम, शालिग्राम सुवेदी, रमेशकुमार खड्का, लक्ष्मण हुमागाईं, भुवनराज भट्ट व अच्युतमकुमार पोखरेलयात सिफारिस याःगु खः।

Categorized in राष्ट्रिय