सञ्चार लिसे सूचना प्रविधिमन्त्री पृथ्वीसुब्बा गुरुङपाखे सार्वजनिक सेवा प्रसारण संस्थय् न्हुम्ह कार्यकारी अध्यक्ष डा. महेन्द्र विष्टययात पद व गोपनीयताया शपथ काःगु दु।

वंगु शुक्रवाः मन्त्रीपरिषदया बैठकं डा. विष्टयात उगु संस्थाया कार्यकारी अध्यक्षय् नियुक्त यायेगु निर्णय याःगु खः। डा. विष्ट थ्व स्वया न्ह्यः नेपाल टेलिभिजनया कार्यकारी अध्यक्ष जुयादीगु धुकुगु दु।

नेपाल टेलिभिजन व रेडियो नेपाल व्यवस्थापन यायेत सरकारं छु दिं न्ह्यः जक सार्वजनिक सेवा प्रसारण ऐन हःगु खः। उगु ऐनबमोजिम सार्वजनिक सेवा प्रसारण संस्थाया कार्यकारी अध्यक्षय् डा. विष्ट नियुक्ति जुयादीगु खः।

Categorized in राष्ट्रिय