नेप्से थौ मंगलवाः स्वंगू ल्याखं थहावना २६३३.८७ तक थ्यःगु दु। वंगु बिहीवाः १.२३ प्रतिशतं कुहावंगु नेप्से कारोबार जूगु न्हापागु दिं सोमवाः करिब २ प्रतिशतं घटे जूगु खः।

मंगलवाः थौ भचा थहावंगु खःसा कारोबार रकम धाःसा सुधार मजू। निन्हु कारोबार जूगुलि ६ अर्ब हाराहारी कारोबार जूगु खःसा थौ मंगलवाः जम्मा ४ अर्ब ३४ करोड तका जक सेयर कारोबार जूगु खः। मंगलवाः कारोबार जुगु १२ उपसूचकमध्ये न्ह्यगू उपसूचक मध्ये सीमान्त कथं थहावःगु खः।

न्यागु उपसूचक अथे कुहावंगु दु। दकलय् अप्पो फाइनान्स उपसूचक ०.८७ प्रतिशतं थहावःगु खःसा विकास बैंक उपसूचक दकलय् अप्पो ०.६५ प्रतिशतं कुहावःगु खः। सपोर्ट माइक्रोफाइनान्स व जानकी फाइनान्सया सेयर मूल्य सर्किट लेभलय् थहावंगु खः।अथेहे, सोमवाः सकारात्मक सर्किटय् थ्यना ३३ सय थ्यःगु कुथेली बुखारी साना जलविद्युत् आयोजनाया सेयर भाः थौ मंगलवाः नकारात्मक सर्किटय् वना २९७० य् थ्यःगु खः।

१ सय १७ कम्पनीया सेयर भा थहावंगु खःसा उलि हे कम्पनिया भाः कुहावःगु दु।

Categorized in राष्ट्रिय