स्पेनिस क्लब रियल मड्रिडं फिफा इन्टर कन्टिनेन्टल कपयाया उपाधि त्याकूगु दु। बुधवाः चान्ह्यः जुगु कासाय् मेक्सिकन क्लब पाचुकायात ३–० गोलअन्तरं त्याका रियलं उपाधि त्याकूगु दु।

रियलया निति किलियन एमबापे, रोड्रिगो व भिनिसियस जुनियरपिन्स छगु छगू गोल याःगु खः। कासाया ३७ गु मिनेटय् एमबापे न गोल यासे रियलयात न्ह्यने यकूगु खः।न्हापागु हाफय् १–० गोलं न्ह्यने लागु रियल निगु हाफय् निगु गोल याःगु खः।

५३ गु मिनेटय् रोड्रिगा छगु गोल याःगु खःसा ८४ गु मिनेटय् भिनि न पेनाल्टीं गोल यासे ३–० गोल याःगु खः।

Categorized in कासा