मलेसियाय् न्ह्यानाच्वंगु मिसा यु–१९ एसिया कपया ‘सुपर–४’ या नेपाः व श्रीलङ्का दथुइ जुयाच्वंगु कासा वा वयाः दिकूगु दु।

मलेसियाया क्वालालम्पुरय् वेयुमास ओभल क्रिकेट ख्यलय् छुं ई न्ह्यः न्ह्याःगु कासा वा वयाः दिकेमाःगु खः। नेपालं श्रीलङ्का विरुद्ध टस त्यानाः फिल्डिङ याःगु खः।

न्हापांगु ओभर सिधये सातकि हे वा वःगुलिं कासा दिकूगु खः। नेपालं न्हापांगू कासाय् पाकिस्तानयात खुगू विकेटं बुकाः सुपर–४ य् दुहाँवयेत ताःलाकूगु खः।

अथे हे, पुचलय् जुयाच्वंगु लिपांगु कासा वा वयाः रद्द जूबलय् नेपाः व भारतं छगू–छगू ल्याः इनाकाःगु खः। रनरेटया आधारय् भारत पुच ‘ए’ न्हाप लात धाःसा नेपाः ल्यू लाःगु खः। (रासस)

Categorized in कासा