नागरिक लगानी कोष व म्याग्दी हाइड्रोपावर लिमिटेड दथुइ सेयर प्रत्याभूतिया सम्झौता जूगु दु। सम्झौताय् कोषया कार्यकारी निर्देशक पर्वतकुमार कार्की व म्याग्दी हाइड्रोपावरया नायः भरतप्रसाद नेपालं आइतबाः जूगु छगू ज्याझ्वलय् ल्हाःचिं तयादिगु खः।

म्याग्दी हाइड्रों प्रतिसेयर सच्छिया दरं ४७ लख ४५ द्वः कित्ता बापत ४७ क्वति ४५ लख बराबरया सेयर पिकायेगु सम्बन्धय् कोषलिसे प्रत्याभूति सम्झौता याःगु खः।

सम्झौताया ई खुल्लाया जुइगु कोषं पिथंगु प्रेस विज्ञप्तिइ धयातःगु दु। (रासस)

Categorized in राष्ट्रिय