सत्यनारायण बहादुर श्रेष्ठ स्मृतिइ निक्वःगु सत्यनारायणबहादुर स्मृति मिडिया कप फुटसल प्रतियोगिता कन्हय् जुइत्यंगु दु।

नेवाः पत्रकार राष्ट्रिय दबुं शिक्षाविद् लिसे पत्रकार श्रेष्ठयात नेपाल पत्रकार महासंघया संस्थापक अध्यक्षया घोषणा यायेमाःगु मागसहित दँय्दसं थीथी ज्याझ्वः यानाः अभियान न्ह्याकावयाच्वंगु दु। नेवाः पत्रकार राष्ट्रिय दबू (एनएफएनजे) या ग्वसालय् आदर्श विद्या मन्दिर (एभिएम) विद्यालय स्थित फुट्सल मैदानय् कासा जुइत्यंगु खः।

पत्रकार राष्ट्रिय दबूं थुगुसी नं श्रेष्ठया १०९ क्वःगु जन्मोत्सव न्याय्केगु झ्वलय् फुटसल कासाया ग्वसाः ग्वःगु खः। श्रेष्ठया १०९ क्वःगु जन्मोत्सवया मू ज्याझ्वः धाःसा वइगु पुस १३ गते जुइ । पत्रकार दबूया अध्यक्ष नृपेन्द्रलाल श्रेष्ठं २००८ सालय् नेपाल टुडेया सम्पादक श्रेष्ठं थःगु अध्यक्षताय् न्हापांखुसी नेपाल पत्रकार संघ नीस्वंगु जानकारी बियादिल।

२०१२ सालय् पत्रकारतय् मेगु बैठकं पुलांम्ह प्रधानमन्त्री लिसें नेपाल कंग्रेसया पुलांम्ह सभापति कृष्णप्रसाद भट्टराईया सभापतित्वय् नेपाल पत्रकार संघ पुनर्गठन यानादीगु खः। वयां लिपा थ्वहे तथ्ययात न्हापांगु घटनाया रुपय् व्याख्या यानाः भट्टराईयात नेपाल पत्रकार महासंघया संस्थापक नाला वयाच्वंगु खः।

गुगु तसकं गलत जूगु खँ अध्यक्ष श्रेष्ठं धयादीगु दु। 

Categorized in कासा