प्रधानमन्त्री केपी शर्मा ओलीं तमु ल्होसारया भिंतुना देछानादीगु दु। वय्कलं सामाजिक सञ्जालपाखें गुरुङ समुदायया मूं नखः तमु ल्होसारया भिंतुना देछानादीगु दु।

वय्कलं भिंतुना सन्देसय् धयादीगु दु, “झी नेपाःमिपि संस्कृतिइ तःमिपि खः। सकसित तमु ल्होसारया भिंतुना!” सामाजिक सञ्जालय् धयादीगु दु “तमु ल्होसार लुमंनिगु इलय् छ्यने शिरबन्दी, म्हय् मखमलीया पुतुलं, घलेक, जनी, छिटया गुन्यू फिनाः मजेत्रो न्ययाः घाटु, सोरठी व कौडा प्याखं ह्ुलाःच्वंपिं गुरुङ मिसा नापं भोटोया च्वय् भाङ्ग्रो फिनाः जनी व कछाड चिनाः प्याखं हुलाः च्वंपिं मिजंत झल्झली लुमनावइ।”

पुस १५ गतेया चा तःहाकः जुइगु व व धुंकाया चा चिं हाकः जुया वनिगु जूगुलिं नं थ्व नखःया महत्व दूगु धाइ। तमु ल्होसारया लसताय् थौं सरकारं सार्वजनिक बिदा ब्यूगु दु।

Categorized in राष्ट्रिय