लुम्बिनी बौद्ध विश्वविद्यालय व चीनया बेइजिङ भाषा नाप संस्कृति विश्वविद्यालय दथुइ सहकार्य सम्झौता जूगु दु।

प्रधानमन्त्री निवास, बालुवाटारय् थौ छगु ज्याझ्वः दथुइ लुम्बिनी बौद्ध विश्वविद्यालयया उपकुलपति प्रा डा सुवर्णलाल बज्राचार्य व बेइजिङ भाषा नाप संस्कृति विश्वविद्यालयया अध्यक्ष त्वाङ फङ दथुइ सहमतिपत्र आदानप्रदान यायेगु ज्याझ्वः जुगु खः।

समझदारी कथं निगु देय् दथुइ विश्वविद्यालयं संस्कृति आदानप्रदान भाषा शिक्षण, अनुसन्धान कार्यसञ्चालनया निति ज्या जुइ। अथेहे, बेइजिङय् नेपाल इन्स्टिच्युट व लुम्बिनीइ चाइना इन्स्टिच्युट स्थापना जुइ। प्रधानमन्त्री केपी शर्मा ओलीं वंगु मंसिर १७ गते निसे २० गते तक जुगु औपचारिक भ्रमण यायेगु झ्वलय् चीननाप स्वयंसेवी चिनियाँ भाषा शिक्षणसम्बन्धी समझदारी जुगु खः।

उगु ज्याझ्वलय् प्रधानमन्त्री नाप लुम्बिनी बौद्ध विश्वविद्यालयया कुलपति ओलीं नेपाः व चीन दथुइ शताब्दी न्ह्यःनिसे जनस्तरया सम्बन्ध दु धका धयादीसे निगु देय् दथुइ प्राज्ञिक व शैक्षिक सम्बन्ध व सहकार्य विस्तार जुगुलि लसता प्वकादीगु खः।

उगु ज्याझ्वलय् राष्ट्रिय योजना आयोगया सदस्य गीताकुमारी पौड्याल अधिकारी, लुम्बिनी विश्वविद्यालयया रजिष्ट्रार डा तिलकराम आचार्य व नेपालस्थित चीनियाँ दूतावासया अधिकारीपिनिगु ब्बति दुगु खः।

Categorized in राष्ट्रिय