प्रधानमन्त्री केपी शर्मा ओलीं ‘मचा इहिपा मुक्त नेपाल राष्ट्रिय अभियान’ तालाय् माः धका भिंतुना देछानादीगु दु।

प्रधानमन्त्री निवासय् अभियानकःमितलिसे थौं नापलानाः वय्कलं राष्ट्रिय मचा कल्याण परिषदया न्ह्यलुवाय् थनिंनिसें न्ह्याःगु उगु अभियानयात भिंतुना बियादीगु खः।

मचा इहिपा धइगु अपराध जूगुलिं थुकिया विरुद्ध अभियान न्ह्याकाः देय् यात मचा इहिपा मुक्त देय् दयेकेत सङ्कल्प पतिइ प्रधानमन्त्री ओलीं ल्हाःचिं नं तयादिल। मुलुकी अपराध संहिता, २०७४ य् मचाइहिपा दण्डनीय खः धकाः तयातःगु दु।

उगु ज्याझ्वलय् पूर्व बालबालिका मन्त्री भगवती चौधरी, लुम्बिनी प्रदेशया पूर्वमुुख्यमन्त्री डिल्लीबहादुर चौधरी, भारतया ‘जष्ट राइट्स फर चिल्ड्रेन’या संस्थापक भुवन रिम्भु व अभियानय् स्वाना च्वंपिं मचा इहिपाया सिकार जुयाच्वंपिंसं नं ब्वति काःगु खः।

Categorized in राष्ट्रिय