घोषणा सन् २०२४ या आईसीसी अवार्डया न्यागू हे विधाय् नामांकन घोषणा जूगु दु। अन्तर्राष्ट्रिय क्रिकेट काउन्सिलं मिसा व मिजं निगुलिं सिरपाःया निंतिं नामांकन घोषणा याःगु दु।

आईसीसीया ‘इमर्जिङ मेल क्रिकेटर अफ द इयर’ अवार्डया नितिं पाकिस्तानया साइम अयुब, श्रीलंकाया कामिन्दु मेन्डिस, वेस्ट इन्डिजया शमर जोसेफ व इंग्ल्याण्डया गस एटकिन्सन मनोनित जूगु दु। अथे हे भारतया श्रेयंका पाटिल, स्कटल्याण्डया सास्किया होर्ली, दक्षिण अफ्रिकाया हेनरी डेर्कसेन व आयरल्याण्डया फ्रेया सार्जेन्ट आईसीसीया ‘इमर्जिङ वुमेन क्रिकेटर अफ द इयर’ अवार्डया निंतिं मनोनित जूगु दु।

जिम्बाब्वेया सिकन्दर राजा, अष्ट्रेलियाया ट्रभिस हेड, पाकिस्तानया बाबर आजम व भारतया अर्शदीप सिंह आईसीसीया ‘पुरुष टि–२० आइ क्रिकेटर अफ द इयर’ अवार्डया निंतिं मनोनित जूगु दु। अथे हे श्रीलंकाया चमरी अथापत्थु, न्युजिल्याण्डया मेली केर, दक्षिण अफ्रिकाया लौरा वोलवार्ड व आयरल्याण्डया ओर्ला प्रेन्डरगास्ट आईसीसी मिसा टि–२० आई क्रिकेटर अफ द इयर अवार्डया निंतिं मनोनित जूगु दु।

आईसीसीया ‘पुरुष एकदिवसीय क्रिकेटर अफ द इयर’ अवार्डया नितिं अफगानिस्तानया अजमतुल्लाह ओमरजाई, श्रीलंकाया कुसल मेन्डिस, वेस्ट इन्डिजया शेर्फान रदरफोर्ड व श्रीलंकाया वानिन्दु हसरंगा मनोनित जूगु दु। अथे हे आईसीसीया ‘दँया मिसा एकदिवसीय क्रिकेटर’ अवार्डया नितिं अष्ट्रेलियाया एनाबेल सदरल्याण्ड, दक्षिण अफ्रिकाया लौरा वोलभार्ड, भारतया स्मृति मन्धना व श्रीलंकाया चमरी अथापत्थु मनोनित जूगु दु।

आईसीसी ‘दँया पुरुष टेष्ट क्रिकेटर’ अवार्डया नितिं इंग्ल्याण्डया जो रुट, श्रीलंकाया कामिन्दु मेन्डिस, इंग्ल्याण्डया ह्यारी ब्रुक व भारतया जसप्रित बुमरा मनोनित जूगु दु।अथे हे श्रीलंकाया चमरी आठपाथ्थु, न्युजिल्याण्डया मेली केर, अष्ट्रेलियाया एनाबेल सदरल्याण्ड व दक्षिण अफ्रिकाया लौरा वोल्हार्ड ‘राचेल हेहोए फ्लिन्ट ट्रफी फर आईसीसी मिसा क्रिकेटर अफ द इयर’ अवार्डया निंतिं मनोनित जूगु दु।

इंग्ल्याण्डया जो रुट, भारतया जसप्रित बुमरा, अष्ट्रेलियाया ट्रभिस हेड व इंग्ल्याण्डया ह्यारी ब्रुक ‘सर गारफिल्ड सोबर्स ट्रफी फर आईसीसी पुरुष क्रिकेटर अफ द इयर’ अवार्डया निंतिं मनोनित जूगु दु।

Categorized in कासा