काठमाडौं उपत्यका प्रहरी कार्यालय लानिपूखुलि एआईजी टेकबहादुर तामाङयात सरुवा यागू दु।

प्रहरी प्रधान कार्यालयया अपराध अनुसन्धान विभागय् ज्या यानाच्वम्ह तामाङयात मंगलवाः मन्त्रिपरिषदया बैठकं लानिपूखुलि सरुवा यायेगु निर्णय याःगु दु धका गृह मन्त्री रमेश लेखकया सचिवालयं धाःगु दु।

लानिपूखुलि ज्या यानाच्वम्ह एआईजी किरण बज्राचार्य ५६ दँ दुगुलि अनिवार्य अवकाश काये मागुलि उगु थासय् तामाङयात सरुवा याःगु खः।

काठमाडौं उपत्यका प्रहरी कार्यालय लानिपूखुलिं येँ, यल व ख्वप स्वगू जिल्ला कः धायेगु याइ।

Categorized in राष्ट्रिय