प्रेस चौतारी नेपालं प्रेस नापं अभिव्यक्ति स्वतन्त्रतायात निर्वाध छ्यलेगुलिइ बः बिसें ११ बुँदाया येँ घोषणापौ पिथंगु दु।चौतारीया नायः गणेश बस्नेतया नायःसुइ जुगु खुक्वःगु केन्द्रीय समितिया मुँज्या धुंकाः पिथंगु घोषणापत्रय् सञ्चार माध्यमय् पिहावःगु सामग्रीयात कयाः आमसञ्चार माध्यमया पिथना, सम्पादक व  पत्रकारविरुद्ध विद्युतीय अपराधय् प्रहरीं मुद्दा न्ह्याकेगु यानाहःगुलिं विरोध याःगु दु।

घोषणापत्रय् थथे धयातःगु दु, “प्रेस नापं अभिव्यक्ति स्वतन्त्रता, सुचं प्रवाहया स्थापित अन्तर्राष्ट्रिय मूल्य, मान्यता नापं अभ्यास व नेपाःया संविधानं नालाकाःगु सिद्धान्त अनुकूल प्रेस नापं अभिव्यक्ति स्वतन्त्रतायात निर्वाधकथं छ्यलेत लकस निर्माण यायेमाःगु जरुरी जू।” चौतारीं श्रमजीवी पत्रकारसम्बन्धी ऐनयात पूवंगु छ्यलाबुलाय् हयेमाःगु माग नं तःगु दु।

श्रमजीवी पत्रकारतय्गु निशुल्क दुर्घटना बिमायात स्वास्थ्य बिमाय् हिइकाः उकिया प्रभावकारी छ्यलाबुला यायेगु व ज्येष्ठ पत्रकार सम्मान वृत्ति कोषया ध्यबा वृद्धि यायेत नं माग याःगु दु

Categorized in राष्ट्रिय