प्रधानमन्त्री केपी शर्मा ओलीें खानेपानी मन्त्रालयय् सुधार यायेगु ज्या व भावी योजनाबारे शुक्रवाः ब्रिफिङ कयादीगु दु।

प्रधानमन्त्री लिसे मन्त्रिपरिषदया कार्यालय, सिंहदरबारय् जुगु सहलहय् खानेपानीमन्त्री प्रदीप यादव व सचिव प्रमिलादेवी बज्राचार्यं मन्त्रालयया आःयागु अवस्था, प्रगति, कार्यान्वयनय् खनेदुगु चुनौती व भावी योजनाया विषयय् खँ जुगु धका धाःगु दु। सहलयय् मेलम्ची खानेपानी आयोजनाया कार्यान्वयन अवस्था, आतक याःगु प्रगति व आयोजना कार्यान्वयन निर्देशनालय (पिआइडी)पाखे जुयाच्वंगु व मेमेगु परियोजनाया प्रगतिबारे जानकारी ब्यूगु खः।

मन्त्रालयं जलवायु परिवर्तनं खानेपानीया स्रोतय् असरयात सम्बोधन यायेगु व वातावरणमैत्री व दिगो योजना निर्माणय् मन्त्रालययात ध्यान केन्द्रित जूगुलि माःगु बजेट सुनिश्चितताया निति माग याःगु खः। उगु ज्याझ्वलय् प्रधानमन्त्री ओलीं जनता तय्स शुद्ध, याउक लः त्वनेगु वातावरण निर्माण यायेगु ज्या यायेत सम्बन्धित मन्त्रालय व निकायनाप माःगु समन्वय याना ज्या याये निर्देशन ब्यूगु खः।

Categorized in राष्ट्रिय