२०८१ फाल्गुण ६, मंगलबार

ख्वताबजि पुचलं न्हापाम्ह निर्देशक व च्वमियात हन

लहनान्युज | पोहेलाथ्व त्रयोदशी ११४५, पुस २८ आईतवाः

नेपालभाषाया टेलिभिजनया ज्याझ्वः “ख्वताबजि“ पुचलं ज्याझ्वःया न्हापाम्ह निर्देशक राजु स्यःस्य व न्हापाम्ह च्वमि हृदय प्रसाद मिश्रयात वयक पिनिगु योगदानया कदर यासे हना देछागु दु।

इमेज च्यानलय् क्यना वया च्वंगु “ख्वताबजि“ ज्याझ्वःया क्यनाज्या द्वःछि ब्वः पूवंगु लसता हने कथं हंगु ज्याझ्वलय् वयकपिं निम्हेसित थथे हंगु खः।मूपाहाँ येँ महानगरपालिकाया उपमेयर सुनिता डंगोलं उलेज्या यानादीगु उगु ज्याझ्वलय् येँ महानगरपालिकाया उपमेयर डंगोलं हना पौ देछाना दीगु खःसा ज्याझ्वलय् ख्यालिजुजु मदनकृष्ण श्रेष्ठ व इमेज च्यानलया महाप्रबन्धक रघुबर भक्त मानन्धर व “ख्वताबजि“ या लेखक निर्देशक सुरेन्द्र तुलाधरं खादा व स्वामा क्वखाय्का दीगु खः।

ज्याझ्वलय् समाजसेवी गोपाल कृष्ण महर्जन, फिल्मबन्जा गोपाल काजी कायस्थ लगायतया विशेष उपस्थिति दूगु खःसा आपालं कलाह्यःमि पिनिगु उपस्थिति दूगु खः।

Categorized in मनोरन्जन