अमेरिकाय् स्वद्धः स्वया उडान रद्द
लहनान्युज | पोहेलाथ्व त्रयोदशी ११४५, पुस २८ आईतवाः

अमेरिकाय् वःगु वाफसँया हुनिं शुक्रवाः स्वद्धः स्वया अप्वः उडान रद्द जूगु दु।
डेल्टा एयरलाइन्सं अटलान्टा अन्तर्राष्ट्रिय विमानस्थलया फुक्क प्यंगू रनवे निघौ स्वयां अप्वः ई बन्द जूगु जानकारी ब्यूगु दु। डेल्टाया छगू विमानया इन्जिनय् समस्या वयेवं अटलान्टा वनेगु उडान नं रद्द यायेमाःगु खः।
डलास–फोर्टवर्थ (टेक्सास) व शार्लोट डगलस (नर्थ क्यारोलिना)या उडानय् नं मौसम खराबया लिच्वः लाःगु दु। फ्लाइटएवेयरया कथं निगुलिं विमान स्थलय् १२०० स्वयां अप्वः उडान रद्द जूगु खः।अमेरिकाय् थ्व वाःया सुरुइ हे वा फय् वःगु खः।
अन म्हती नं न्याम्ह मनूत सीगु खःसा सलंसः उडान रद्द जूगु खः।गुलिखे थासय् तापक्रम शून्य डिग्री फारेनहाइट (–१८ डिग्री सेल्सियस) स्वयां च्वय् कुहां वयाः द्वलंद्वः मनूत विद्युतविहीन अवस्थाय् लाःगु खः।
Categorized in अन्तर्राष्ट्रिय