प्रधानमन्त्री केपी शर्मा ओलीं सकल नेपाःमियात मकर सङ्क्रान्तिया व माघीया भिंतुना देछानादीगु दु।

प्रधानमन्त्री ओलीं थौं सामाजिक सञ्जालपाखें भिंतुना देछानादीगु खः। “थौं माघे सङ्क्रान्ति, तराई लागाय् थारू जातिया माघी नखः नं खः, सूद्र्यः धनु राशिं मकर राशिइ सङ्क्रमण जुइगु (दुहाँ वनीगु) जूगुलिं थुगु न्हियात मकर सङ्क्रान्ति नं धाइ”, भिंतुना सन्देशय् धयातःगु दु, “थौं घ्यः, चाकु, तरुल, हाम्वः, खित्रो नापं थीथी कन्दमूल व थारू जाति दुने घुङ्गी नयेगु चलन दु, सकलसित मकर सङ्क्रान्ति व माघीया भिंतुना !!” 

Categorized in राष्ट्रिय