राष्ट्रपति रामचन्द्र पौडेलं निर्माणाधीन येँ–तराई–मधेस द्रुतमार्गया निरीक्षण यानादीगु दु।

व हे झ्वलय् वय्कलं आयोजनाया प्रगतिबारे सुचं कयादीगु राष्ट्रपतिया सचिवालयपाखें धाःगु दु। राष्ट्रपति पौडेलं आयोजनायात क्वछिनातःगु इलय् दुने क्वचायेके कथं ज्यायायेत निर्देशन बियादिल।

उगु आयोजना नेपाली सेनापाखे निर्माण यानाच्वंगु दु। येँ–यल–मकवानपुर जुयाः बाराया निजगढतक निर्माण जुइत्यंगु दु।

पूर्वपश्चिम राजमार्गय् स्वाइगु द्रुतमार्ग निर्माण धुंका मुलुकया विकासया निंतिं ग्वहालि जुइगु अपेक्षा याःगु दु।(रासस)

Categorized in राष्ट्रिय