नेपाल आदिबासी जनजाति पत्रकार महासंघ (फोनिज) येँ जिल्ला शाखा अध्यक्षय् भिमबहादुर लामा सर्वसम्मत निर्वाचित जूगु दु। फोनिजया न्ह्यय्क्वःगु अधिवेशनय् लामा अध्यक्षय् निर्वाचित जूगु खः।

अथेहे उपाध्यक्षय् सुदिना श्रेष्ठ, सचिवय् रत्नकाजी महर्जन, सहसचिवय् नितु डंगोल व कोषाध्यक्षय् दिपा सुनुवार निर्वाचित जूगु खः । अथेहे दुजलय् वेदबहादुर गुरुङ, किचः सिंह डंगोल, राधिका लो, सरला चौधरी, सिर्जना मगर, अन्जना राई, अजय खडगी व पासाङ काजी शेर्पा निर्वाचित जूगु खः।

संघीय प्रतिनिधिय् पूर्णभक्त दुवाल, गंगादेवी महर्जन, मिक्साङ बाइवा तामाङ, यशोदा भुजेल, हरिगोपाल प्रधान, निरज रञ्जित, प्रविण श्रेष्ठ, सुरेन्द्रभक्त श्रेष्ठ, अर्जुनबहादुर तामाङ, लालकुमार तामाङ, सुशिला तामाङ, अमिर लामा, नेपोलियन चेपाङ, कमल राना, बिगेन तुलाधर, सुप्रिया राई, मञ्जु तामाङ, सहदेव चौधरी, निशा तामाङ, दिलिप तामाङयात ल्यःगु दु। अथेहे, प्रदेश प्रतिनिधिय् उदेन न्हुसाय्मि, विमला मानन्धर, सरस्वती श्रेष्ठ, मिङ्मा लामा, सविका श्रेष्ठ, मनमाया स्याङबो, अनिता डंगोल, सुरज मानन्धर, एलबी सागर, प्रदीपकुमार श्रेष्ठ, हिरोज लोपचङ, तेज नाछिरिङ राई, दशिराम थारु, मनोजरत्न शाही, सञ्जय उदास, लक्ष्मीराम सुनार, अनुप प्रधान, रामबहादुर मगर, कर्साङ तामाङ, विष्णुराज श्रेष्ठ, डिगबहादुर श्रेष्ठ, तेजनारायण महर्जन, प्रजित शाक्य, हेमप्रकाश राई, श्यामलाल लामा, प्रेम लामायात ल्यःगु दु।

अधिवेशनया उद्घाटन सत्रय् आदिबासी जनजाति उत्थान राष्ट्रिय प्रतिष्ठानया उपाध्यक्ष रेशम गुरुङं आदिबासी जनजातिया अधिकारया नितिं जनजाति स्वयम् सचेत जुइमाःगुलि बः बियादीगु खः। प्रतिष्ठानया बजेटय् सिलिङ कम जूगुलि माःकथं ज्या याय्मफुगु खँ वय्कलं कनादिल। नेपाःया मुक्कं जनसंख्या मध्ये करिब ३८ प्रतिशत आदिबासी जनजातिया ल्याः दुगुलि व हे कथं ज्या याय्गु निति म्हति नं छगू अर्वया बजेट प्रतिष्ठानय् दय्माः धका धयादीगु खः

तर प्रतिष्ठानया वार्षिक बजेट १० निसे १२ करोड जक दु।नेपाल आदिबासी जनजाति पत्रकार महासंघ (फोनिज) या वरिष्ठ उपाध्यक्ष लक्की चौधरीं फोनिजया संगठन देश विदेशय् न्यना वनाच्वंगुलिं वइगु न्हिं संगठन अझ धिसिलाक्क धयादिल। फोनिज मातहत करिब ४ हजार २०० पत्रकार गोलबद्ध जुयाच्वगुलि आः फोनिज संगठनात्मक रुपं शक्तिशाली संगठन जुइगु बिचाः नं वय्कलं प्वकादिल ।

उलेज्या झ्वलय् नेपाल आदिबासी जनजाति महासंघया महासचिव दिवस राई, फोनिजया महासचिव समिर बलामी, सञ्चारिका समूहया अध्यक्ष विमला तुम्खेवा, नेपाल पत्रकार महासंघ येँ शाखाया अध्यक्ष शोभा अर्याल, नेवाः पत्रकार राष्ट्रिय दवूया अध्यक्ष नृपेन्द्रलाल श्रेष्ठ, तामाङ पत्रकार संघया अध्यक्ष नेत्र तामाङपिंस भिंतुना बियादीगु खः । शाखाका अध्यक्ष शैलेश डंगोलया सभाध्यक्षताय् जूगु ज्याझ्वलय् वरिष्ठ पत्रकार नरेशबीर शाक्ययात हंगु खः।

Categorized in राष्ट्रिय