मधेश प्रदेश सभाय् प्रदेशया सरकारी कामकाजया भाषा सम्बन्धया व्यवस्था यायेत दयेकुगु विधेयक, २०८१ या प्रस्ताव सदनय् पेश याःगु दु।

शिक्षा व संस्कृति मन्त्री रानीकुमारी शर्मा तिवारी सदनय् उगु विधेयक पेश याःगु खः। बैठकय् पेश याःगु विधेयक यात कयाः छलफलया निति प्रस्तुत याःगु दु। विधेयकय् मधेशया सरकारी कामकाजया भाषा नेपाली भाषाया अतिरिक्त मैथिली, भोजपुरी, बज्जिका, हिन्दी व अंग्रेजीयात दुथ्याकिइगु जुगु दु।

विधेयकया दफा २ या उपदफा (ख)य् सरकारी कामकाजया भाषा धइगु ‘मधेश प्रदेशया सरकारी कार्यालयलय् लिखित वा मौखिक कथं प्रयोग जुइगु नेपाली भाषाया अतिरिक्त मैथिली, भोजपुरी, बज्जिका, हिन्दी व अंग्रेजी कथं न्ह्यथंनातःगु दु।

Categorized in राष्ट्रिय