ताप्लेजुङ पाथिभरा क्षेत्रय् केबलकारया विरोध यायेगुलि पहिचान पक्षधर व प्रहरी दथुइ ल्वापू जुगु दु।

ताप्लेजुङया फुङलिङ नगरपालिका– ११ काफ्ले पार्टी स्वया च्वय् पाथिभरा द्यःया थाय् वनेगु लँय् प्रहरी व केबलकारया विरोध यानाच्वपि दथुइ ल्वापू जुगु खः।

उगु स्थितियात नियन्त्रण कायेगु झ्वलय् प्रहरीं १२ सेल अश्रूग्यास क्यकूगु खः। अथे ल्वापू जुइवं पाथीभरा द्यःया दर्शन यायेत वःपि यात्रु तयेत लँय् पनेमाःगु खः।

पाथीभरा वनेत केबलकारया ज्या मंगलवाः सुरु जुगु खः। डीएसपी रावलं पहिचान पक्षधर तय्त तितरबितर यायेत नेपाल प्रहरीं न्यागु व सशस्त्र प्रहरीं न्ह्यय्गू सेल अश्रुग्यास प्रहार याःगु खः।

Categorized in राष्ट्रिय