पूर्वप्रधानमन्त्री प्रचण्डपाखें चोत्लुङ पार्क अवलोकन
लहनान्युज | पोहेलागा त्रयोदशी ११४५, माघ १४ सोमवाः

पूर्वप्रधानमन्त्री नापं नेपाल कम्युनिष्ट पार्टी (माओवादी केन्द्र) या नायः पुष्पकमल दाहाल ‘प्रचण्डं’ तेह्रथुमया लालीगुँरास नगरपालिकाया वसन्तपुरय् च्वंगु चोत्लुङ पार्कया अवलोकन यानादीगु दु।
रैथाने वास्तु शैलीइ निर्माण यानातःगु पर्यटकीय थाय् चोत्लुङ पार्कया दाहालं थौं अवलोकन यानादीगु खः। पार्कया अवलोकनलिपा वय्कलं कङ्क्रिट मछ्यःसे परम्परागत शैलीं दयेकूगु चोत्लुङ पार्कया प्रशंसा यानादिल।
लालीगुराँस नगरपालिकाया कुतलय् निर्माण न्ह्याकूगु पार्कय् युमा सङ्ग्रहालय नं दु। पार्क सच्छि रोपनीस्वयां अप्वो क्षेत्रफलय् चकना च्वंगु लालीगुराँस नगरपालिकाया नगरप्रमुख अर्जुन माबुहाङं धयादिल।प्रचण्ड जिल्लास्तरीय राजनीतिक स्यनेज्याया झ्वलय् तेह्रथुम झायादीगु प्रदेशसभा दुजः नापं नेकपा (माओवादी केन्द्र)या नेता दुर्गाप्रसाद चापागाई न कनादिल।
Categorized in राजनीति