२०८१ फाल्गुण ६, मंगलबार

युनाइटेड क्लबं शहिदयात लुमकां म्याराथन ज्याझ्वःयात

लहनान्युज | पोहेलागा आमै ११४५, माघ १६ बुधवाः

महालक्ष्मी नगरपालिकाया युनाइटेड क्लबं थौ म्याराथन ज्याझ्वः तःजिक याःगु दु।उगु ज्याझ्वलय् मूपाहाँ कथं महालक्ष्मी नगरपालिकाया मेयर हरि गोबिन्द श्रेष्ठं छगु ज्याझ्वः दथुइ उगु म्याराथन ज्याझ्वःया उलेज्या यानादीगु खः।

युनाइटेड क्लबया अध्यक्ष पवन शाहीया सभाध्यक्षताय् जुगु उगु ज्याझ्वल् स्वसः स्वया अप्पो कासामि पिनिगु ब्बति दुगु खः। क्लबं आः वइगु दिं सामाजिक, सांस्कृतिक व कासाया गतिविधियात न अप्पोकेगु धका धयादीगु खः।

उगु कासाय् मिणमर सिन्जी तामाङ न्हाप जुम्हेसित स्वीद्धः नगल, अजित कुमार यादव ल्यू जूम्हेसित नीद्धः व नरेन्द्र सिंह रावत ल्यूया ल्यु जूम्हेसित झीद्धः नगद सिरपा लःल्हागु खः।

युनाइटेड क्लबं भविष्यय् समाजसेवा व विकासयात ध्यानय् तया थीथी ज्याझ्वः यायेगु जुइ धका क्लबया कोषाध्यक्ष पृथविन्दु महर्जनं जानकारी बियादीगु खः।शहीदपिनिगु सम्मानय् उगु म्याराथन ज्याझ्वः जुगु खः।

Categorized in कासा