राष्ट्रियसभाया थौंया बैठकय् तिलगङ्गा नेत्र विश्वविद्यालय विधेयक, २०८१ सम्बन्धी समितिया प्रतिवेदन न्ह्यब्वःगु दु। बैठकय् विधायन व्यवस्थापन समितिया सभापति तुलसाकुमारी दाहालं उगु विधेयक न्ह्यब्वयादीगु खः।

राष्ट्रियसभाय् उत्पति जूगु उगु विधेयकय् दफाबार सहलहया निंतिं समितिइ छ्वःगु खः। उगु विधेयकय् २९ म्ह सांसदतय्सं ७१ संशोधन प्रस्ताव यानादीगु खः। सभापति दाहालं विधेयकय् संशोधन नापं विज्ञप्तिपाखें सुझाव काःगु व विधेयकया आज्जु मिखा उसाँय् सेवाय् मनूतय् पहुँच अप्वयेकेगु, मिखाया वासःया ख्यःलय् न्हूगु प्रविधिया विकास यायेगु, गुणस्तरीय सेवा बिइगु व सार्वजनिक विश्वविद्यालय न्ह्याकेगु तयातःगु सदनयात जानकारी याकादिल।

समितिं थ्व हे माघ १५ गते उगु विधेयक समितिं पारित याःगु खः। राष्ट्रियसभाया मेगु बैठक थ्व हे माघ २४ गते बिहीबाः न्हिनसिया १ः१५ ताः इलय् च्वनीगु जूगु दु।

Categorized in राष्ट्रिय