थौ वसन्त पञ्चमी आखः ब्बनिपिन्स सरस्वती द्यःया पूजायाना हनिइगु याइ। सरस्वती द्यःयात भक्तजन तय्स भारती, शारदा, हंसवाहिनी, जगन्माता, वागीश्वरी, कौमारी, वरदायिनी, बुद्धिदात्री, ब्रह्मचारिणी, चन्द्रघण्टा व भुवनेश्वरी थे जाःगु नामं हनिइगु याइ।

सरसस्वती द्यःयात विशेष याना साहित्यकार, कलाकार, पत्रकार, शिक्षक व विद्यार्थी तय्स थः थःगु कला–साधनाया वस्तु कलम, कापी, कुची व वाद्ययन्त्रयात पुजा याना हनिइगु याइ। थौ भिंगु ज्यायायेगु निति साइत स्वयेम्वाः धका धायेगु याइ। उकि थौ ब्याहा, कय्ता पुजा, बाह्रा तयेगु व इहि नाप सामाजिक व धार्मिक ज्या यायेत साइत स्वय् म्वाः धका धायेगु याइ।

अथेहे थौया दिं मचा तयेत आखः ब्बकेगु याइ। थौया दिं डिल्लीबजाः, स्वयम्भू, मैतीदेवी व गैरीधारास्थित नीलसरस्वती, यलया लेलेय् सरस्वती द्यःया थाय् मेला लगे जुइगु याइ।

Categorized in राष्ट्रिय