२०८१ फाल्गुण ६, मंगलबार

एआई उपकर बेलायत सरकारं बालयौन दुव्र्यवहार अपराध कथं माने याइगु

लहनान्युज | सिल्लाथ्व पंचमी ११४५, माघ २१ सोमवाः

यौन दुव्र्यवहारया किपा दयेकिइगु निति छ्यलिइगु आर्टिफिसियल इन्टेलिजेन्स (एआई) यात छ्यलिइगु कथं बाल यौन दुव्र्यवहारयात अपराध माने यायेगु बेलायतं घोषणा याःगु दु। एआई उपकरणविरुद्ध बेलायत सरकारं वंगु शनिवाः कानूनया घोषणा याःगु खः।

थ्व नाप एआईया दुरूपयोग याना बाल यौन दुव्र्यवहारय् किपा दयकेगु ज्यायात अपराध घोषणा याःगु बेलायत हलिन्यकया हे न्हापागु देय् जुगु दु। मस्ततय्त यौनिक किपा दय्केगु निति दयकातःगु आर्टिफिसियल इन्टेलिजेन्स (एआई) उपकरण तयेगु, सिर्जना यायेगु व वितरण यायेगु ज्यायात बेलायत सरकारं गैरकानूनी घोषणा याःगु दु धका गृहमन्त्री यवेट कूपर क्यना अन्तर्राष्ट्रिय समाचार संस्था एएफपीं धाःगु दु।

बेलायतय् दच्छि जक छगु अनुसन्धान यागुलि दँय् दँसं न्यागु लाख मस्त छु न छु कथं दुव्र्यवहारया सिकार जुगु क्यंगु दु।

Categorized in अन्तर्राष्ट्रिय