२०८१ फाल्गुण ६, मंगलबार

झीगु देय् झीसं दयेकेमाः प्रधानमन्त्री

लहनान्युज | सिल्लाथ्व पंचमी ११४५, माघ २१ सोमवाः

प्रधानमन्त्री केपी शर्मा ओलीं दक्कोसिया आत्मविश्वासं ज्या यातकि आः नेपाः लिउने वनेमालिगु छु न कारण मदु धका धयादीगु दु।

श्रीपञ्चमीया लसताय् फिनिक्स इस्पिरेसन व इम्प्रेरियल वल्ड स्कुुलपाखे थौ ‘युवा अन्तक्र्रिया कार्यक्रम’ य् प्रधानमन्त्री ओलीं विकासया पूर्वाधार दयका व आधुुनिक गुणस्तरीय शिक्षा बिया ल्याय्म्हतय्त विश्व बजारय् प्रतिस्पर्धी दयकेगु जुइ धका संकल्प यानादीगु दु।

“विदेशय् वना नेपाःमि तय्स मेपिनिगु देय् दयकूगु दु। आः झीसं थःगु देय् थःपिन्स हे दयकेत ध्यान बिइमाः। झीसं छगु करोड ल्याय्म्ह थःगु देशय् दु। उकिइ झीसं झीगु देय् दय्के।’’, विद्यार्थीतय्त इनाप यानादीसे प्रधानमन्त्री ओलीं धयादीगु दु, “थुगु देय्या गरिबी क्वचाय्केमाःगु दु। देशय् स्वाधीनताया ध्वाँय् क्वछिकेगु ज्या यायेमज्यु व देशयात समृद्ध नेपाल दयकेमाः।’’ धका वयकलं धयादीगु खः।

Categorized in राष्ट्रिय